CYMA Futsal 2025 chhunzawm dawn

LBS Suzuki 1st Inter Branch YMA Futsal Tournament 2025 chu vawiin hian R. Dengṭhuama Stadium, Mualpuiah khelh chhunzawm a ni dawn. Tun ṭum inelnaah hian slogan atan 'ruihhlo do la, i hnam chhan rawh' tih hman a ni a, inelna buatsaihtute hi Central YMA leh Mizoram Football Association te an ni.

YMA inkhawmpui lianin a lo rel tawh angin hmankhat daih plastic ten bawlhhlawh ṭhahnem tak a siam avangin tun ṭum inelnaah hian hman khat daih tui um ken luh phal a ni dawn lo. Branch tin ten mahni tui um pai tur a ni a, tui hi bur khat (20 ltrs) Rs 200 man chhawp a ni a, team ten an tui um kenah thun khah leh zel mai tur a ni.

Inelna hmachhawn turten Voter ID leh ration card ken ngei tur a ni a, kum la tling lo (kum 2006-a piang chin) ten Aadhaar Card leh ration card ken thung tur a ni ang.