Hockey India-in kum 100 tlin ropui taka lawm tum

India rama hockey thuenitu sang ber Hockey India chuan kuminah hian kum 100 a tling a, November 7 hian ram pumah uar taka lawm tum a ni. A lawmna atan hian hockey inelna buatsaih a nih dawn bakah naupang chher dan tur ruahmanna siam a ni bawk.

Hockey India ruahman dan chuan match 1000 khelh a ni dawn a, ram chhunga district tinah mipa leh hmeichhe match khelh a ni ang a, hengah hian player 36,000 zet an inlan dawn a ni.

Hockey India president Dr. Dilip Tirkey chuan, "Hockey India-in kum 100 a tlinna kan lawm dawn a, ropui leh ṭha taka lawm chauh ni loin hriatreng tlak leh hmasawnna nena inhnerem turin kalpui a ni ang," a ti.

Hockey India chuan state hrang hrangte chu sum leh paiah a pui dawn bawk a, state tinte chu anmahni huam chhunga district leh state huap inelna an buatsaih theih nan Rs 25,00,000 ṭheuh a pe dawn a ni.