Chelsea-in Hato an la lut hnai

Club World Cup champion Chelsea-in reh rei an tum lo - Ajax aṭangin defender Jorrel Hato an la lut hnai a, club pahnih la inrem chiah lo mah se, inrem thei mai dinhmunah an ding niin khawthlang media-te chuan an tarlang.

Chelsea hian Hato hi an la lut dawn a nih chuan pound maktaduai 34.8 an insen a ṭul dawn a, kum 19 mi chauh a la nih avangin hmabak nei êng defender tana heti zat sum insen hi a na lo ang.

Netherlands interna-tional hi Blues hian mimal thilah chuan an inrempui tawh nia sawi a ni a, tun thlatir aṭang khan Chelsea hian Ajax hi indawrna an neihpui tawh a ni.

Arsenal pawhin Hato hi lakluh tumin January 2024 khan an lo hel tawh a, mahse, season hmasa ṭan dawn khan, kum nga dang cham tura contract thar a ziah avangin an bansan zui.

Ajax academy chhuak Hato hian Dutch club tan match 111 khel tawhin, a kum la nau viau mah se, captain armband te pawh a lo hreng tawh a, goal li khungin assist vawi kua a nei.

Netherlands tana vawi ruk inlan tawh Hato hian season hman zawh tak kha left back-ah a hun tam zawk a hmang a, mahse, centre back ang pawha chhawr theih a ni thung.