Women's Asian Cup khel tur India

AFC Women's Asian Cup 2026 khel tura inpettling India chuan, nimin khan group khata a awmpui turte a hre ta a, group C-ah Japan, Vietnam leh Chinese Taipei te nen an awm ho ang.

Sydney Town Hall, Australia-ah nimin khan draw hi neih niin, kum 2003 hnua a vawi khat nan India hmeichhe team hi he inelnaah hian an inlan dawn a ni.

Australia-in a thlen tur inelna hi March, 2026 chhunga neih tur a ni a, ram 12-in inelna an hmachhawn ang. Group pathumah, ram pali zel awmin team-te hi ṭhen hran an ni a, group tina a sang pahnih ṭheuhin quarterfinal an lut chiang ang.

Group pathum aṭanga pathumna tiṭha pahnihte chu a thiam pariat zingah hian an tel dawn bawk a, Japan-te nen awm ho mah se, India tan chance a chhe lutuk lo.