Newcastle leh Ramsdale an inbia

Newcastle United chuan Southampton aṭangin Aaron Ramsdale lak an tum. England goalkeeper nen hian an inbe mek a, loan hmanga hawh emaw a ngheta lak emaw turin an bia, inremna fel tak erawh a la awm lo thung.

Premier League aṭanga tla hlim Southampton hian a ngheta chhuahtir an pawi ti lo nia sawi a ni, nikum August khan Arsenal aṭangin pound maktduai 18 sengin an la lut a, mahse English football inelna sang ber khel zel turin a inhamtanpui zo ta lo.

Magpies hian goalkeeper Nick Pope an nei sa a, tunah Ramsdale an la leh a nih chuan first-choice goalkeeper turin a elpui a ni phak ang. Ramsdale hi Bournemouth tana a khelh laiin tuna Magpies manager Eddie Howe nen hian an lo thawkdun tawh a ni.