Carreno Busta a chak phawt

Tennis inelna Canadian Open khelh laiah Pablo Carreno Busta chuan a match hmasa berah Liam Draxl chu 2-6, 6-4, 6-4 in a hneh, tun hma lama nomawi a lo chawi tawhna hmunah bul a ṭan fuh hle.

Kum thum liam ta khan Carreno Busta hian Montreal-ah hian Masters 1000 title a la a, Grand Slam dawta inelna ngaihhlutah hian a vawi khat hlawhtlinna niin, a tan chuan hriatreng tawh tur a ni. Inkhel dangah Jaume Munar pawhin Dan Martin chu 6-3, 6-0 in a hneh bawk.

Hard court inelnaah hian Carlos Alcaraz, Jack Draper leh Novak Djokovic te chu an lo inhnukdawk tawh. Wimbledon an khelhna a la rei lo a, inelna hautak hmachhawn zui nghal ai chuan chawlh hahdam phawt an thlang a ni.

Tennis inelna lian zinga mi US Open chu August tawp lam aṭangin khelh a ni dawn a, inbuatsaihna an kalpui mek a ni.