Premier League Club Bihchianna Crystal Palace tan Wilfried Zaha langsar

Palace hian season khat chauh Championship-ah an awm a, nomawi chawi nghalin Premier League khel turin an tling. Amaherawhchu, 1994-95 season khan team pali an relegate avangin an vanduai leh chiah chiah. 1997–98 leh 2004–05 season khan Premier League an khelh leh a, season khat bak awm loin an relegate nghal ve ve.

Eagles hian 2012-13 season khan playoff hmangin Premier League khel turin an tling a, Wilfried Zaha chu player pawimawh zinga mi a ni a. Palace pawhin England-a inlena sang berah an inbengbel chho ta bawk.

Wilfried Zaha hi Abidjan, Ivory Coast-ah November 10, 1992 khan a piang a, kum li mi a nihin an chhungkuain London-ah an insawn. Zaha hi Whitehorse Manor Junior School, Thornton Heath leh Selsdon High School-ah te lehkha a zir a, a school kalnaah hian football khel pahin kum 12 a nihin Crystal Palace hi a zawm.

Kum 17 a nihin Palace senior team tan a khel ṭan a, March 27, 2010 khan Cardiff City nen an inkhelh ṭumin hun tawp dawnah luhtir a ni. 2010–11 season-ah player pawimawh a ni chho a, amaehrawhchu hetihlai hian Eagles hi Championship club an ni.

Zaha hian season hmasa berah match 44 a khel a, goal khat khungin assist vawi hnih a nei a, hmabak a êng chho ṭan. 2011–12 season-ah Zaha hian hming chherna remchang a nei a, League Cup-ah Manchester United an hmachhawn. Palace winger hi a hmuhnawm a, Sir Alex Ferguson-a'n a hmuh hmaih lo.

Hemi season hian Zaha hi Palace Young Player of the Year-ah thlan a ni a, 2012–13 season-ah a ṭangkai lehzual. Mahcester United pawhin January 25, 2013 khan Zaha hi an lalut a, loan hmangin Palace-ah a khel chhunzawm a, Eagles-in Premier League an khelh theihna kawngah player pawimawh a ni.

Palace-in Playoff an thleng a, Zaha penalty hlawhchhuah hmangin Premier Legue khel turin an tling. Zaha erawh Manchester United lamah a kal ta thung a, Old Trafford-ah beisei a phak loh avangin loan hmangin Palace-ah 2014–15 season khan letin United-ah a kir tawh lo.

Zaha hian Palace tan Premier League-ah goal 35 a khung a, assists vawi 23 a neih bakah Eagles kawr nen English football inelna sang berah hian vawi 192 a inlan tawh. Heng zawng zawngah hian club record chelhtu a ni. Ivory Coast international Zaha hi kum 27 mi a ni a, a vanglai a hman chhoh mek avangin club lian zawkah pawh la chhuak thei dinhmunah a ding.

Luka Milivojevic hian January 31, 2017 khan Crystal Palace hi a zawm chauh a, tunah erawh club chanchinah hmun pawimawh a chang tawh. Eagles captain Milivojevic hian Radnicki Kragujevac, Rad, Red Star Belgrade, Anderlecht leh Olympiakos-ah te a khel tawh a, an ram Serbia tan pawh match 36 a khel tawh a ni.

Milivojevic hian hian season hnuhnung pahnihah midielder ni chungin goal 10 a khung tling ve ve a, tun season kal mekah erawh goal hnih chiah a khung. Chutichung chuan midfielder ni chungin Milivojevic hian Premier League-ah goal 26 a khung a, a tluk loh chu Zaha chiah a ni.