R. Dengṭhuama Stadium-ah CYMA Futsal

LBS Suzuki 1st Inter Branch YMA Futsal Tournament chu vawiin hian R. Dengṭhuama Stadium, Mualpuiah khelh chhunzawm a ni dawn. Inelna hi Central YMA leh MFA buatsaih a ni a, inkhel hi Central YMA YouTube channel-ah en theih a ni.

Vawiinah team ṭha inlan tur an tam lo a, chutihrualin Durtlang Leitan hi futsal-ah chuan tum châkawm loh zinga mi a ni. Tun ṭumah hian team 114 an tel a, first round khelh chho mek a ni a, ni khatah match 10 zel awmin match khat hi minute 40 (20+5+20) chhung an khel. Inkhel turte hian Voter ID leh ration card ken tur a ni a, kum la tling lo tan aadhaar card leh ration card ken tur a ni thung.

Central YMA-in kum puan thupui atan 'Ram leh hnam humhalh' tih thupui a hmang mek a, futsal inelnaah pawh, "Ruihhlo do la, i hnam chhanhim rawh," tih thupui hman a ni.