Hun ṭha kan bawhpelh - Moyes

Football nipui bazarah Everton an che ṭha tawk lo a, manager David Moyes chuan pawisa nei reng chung siin player ṭha leh an mamawh ang ho lakluh theihna remchang an neih chu an bawhpelh niin a sawi.

Everton hrechiangtu pakhat sawi dan chuan England midfielder Jack Grealish chu lak theihna remchang an nei a, mahse an la lo. Ani bakah hian Fulham aṭangin Kenny Tete lakluh theihna remchang an neih pawh an bawhpelh.

Player hrang hrang nen sawi zawm an ni a, tun hnai khan kum 19 mi Adam Aznou chu Bayern Munich aṭangin an la lut a, ani hian hmun a chang ngei dawn em, tih pawh sawi theih a ni lo thung.

Moyes chuan, "A nihna tak sawi chuan a hun laiin kan che ṭha tawk lo. Hun hian min nghak lo a, a hunlaia kan chet vat loh chuan kan tan hun ṭha a liam zel," tiin a sawi a, club thuenitu lam chu an mamawh ang player la turin na takin a kar niah a ngaih theih.

Everton hian an player tawnhriat nei panga ngawt an chhuahtir a, chung zingah chuan Dominic Calvert-Lewin leh Abdoulaye Doucoure te an tel; an hmun ruak a zau a, team nghet ṭha tak din leh tur chuan inlak belh an ngai nasa.

Premier League season thar inbuatsaih nan Everton hian Blackburn Rovers (1-0) leh Bournemouth (3-0) te an hneh lo, vawiin tlai hian West Ham an hmachawn ang a, chumi hnuah Manchester United nen an intum leh ang.

August 19, Thawhṭanni zanah an league match hmasa ber atan kai thar Leeds United an lenchilh dawn a ni.