Ter Stegen an zai hlawhtling

Barcelona goalkeeper Marc-André ter Stegen chu a hnungzâng na zai a ni a, Spanish club chuan an si ban nghaktu hi an zai hlawhtling hle niin an sawi a, a inkhelh leh theih hun tur erawh an sawi chiang rih lo thung.

Ter Stegen hi a hnungzâng na vangin a buai fo a, tuna an zai vanga a chawlh chen tur hi sawi theih la ni lo mah se, a rei lo berah thla thum tal chu a chawlh a ngaih a rinawm, season thar tir lamah a hmel kan hmu ve thei dawn lo.

Kum 33 mi Ter Stegen hi season hmasa khan hliam vangin a inlan mumal lo, kum 2023 khan hliam vang bawkin thla thum chhung a lo inkhel thei lo tawh bawk a, tun hma lama a boruak ang kha neih leh a harsa tawh mai thei.

Spanish champion Barcelona hian Espanyol goalkeeper Joan García an la lut tawh a, ani bakah hian reserve goalkeeper atan Inaki Pena an nei bawk.