CYMA Futsal boruak a 'hot'

LBS Suzuki 1st Inter Branch YMA Futsal Tournament chu R. Dengṭhuama Stadium-ah khelh chhoh mek a ni a; August 2, Inrinni aṭang khan second round khelh ṭan niin boruak a 'hot' chho hle.

Inrinni zana Luangmual-in Khawkawn penalty-a an hneh ṭum leh Sakawrtuichhunin Chanmari West an hneh ṭumah te inkhel a nung a, entu pawh an ṭha phian. Inkhel en man hi Rs 50 chauh a ni a, Central YMA YouTube channel-ah a en theih bawk.

Vawiin lamah inkhel tawk tur an awm nual a, tlai dar 4:00-a Bungkawn leh Dawrpui inkhel tur pawh en châkawm zinga mi a ni. dar 7:00-a Dawrpui Vengthar leh Bawngkawn inkhelh ṭumah pawh entu an tam ngei ang.