Newcastle keeper thar Ramsdale

England goalkeeper Aaron Ramsdale chuan loan hmangin Newcastle United a zawm a, an inremna hi season khat chhung atan tih niin loan hun a zawh hunah a ngheta lak theihna an ziak tel bawk.

Kum 27 mi Ramsdale hian season hmasa khan Southampton tan a khel - Premier League khel zel tur erawhin an inhamtang zo lo. Tunah chuan tun hma lama amah enkawl tawhtu manager Eddie Howe hnuaiah a khel dawn.

Ramsdale hian kum 2017 khan Sheffield United aṭangin Bournemouth a lo zawm tawh, hetih laia an manager chu Howe hi a ni. Ramsdale chuan, "Coach ka hriat chian leh a thawhpui te kianga hun ka hmang ve leh thei tur hi ka lawm.

"Ka football zinkawnga hmun pawimawh tak tak luah tute an ni a, tun ṭumah pawh hian hma ka sawn theih nan nasa takin min pui ngei ang tih ka ring," tiin a sawi a, bench lamah ṭhut mai mai a tum lo.

Newcastle United hian Burnley aṭangin James Trafford lak an tum reng a, mahse Man City hian an academy chhuak goalkeer Trafford hi Etihad Stadium-ah an hruai haw leh tak avangin Magpies hian khaw dang an hawisan ta a ni.

Nipui bazar hman laiah Newcastle United hian player pathum an lalut tawh. Ramsdale hma hian Anthony Elanga chu Nottingham Forest aṭanga an lakluh bakah Malage aṭangin Antonio Cordero an al fel tawh bawk.