Wolves player thar Wolfe

Premier League club Wolves chuan David Moller Wolfe an lalut. Norway international hi Dutch club AZ Alkmaar aṭangin pound maktaduai 10 sengin an lei a, kum nga chhung atan inremna a ziak.

Kum 23 mi Wolfe hian Jhon Arias leh Fer Lopez te hnung a zui a, nipui bazar hman mekah Wolves manager Vitor Pereira-a'n player a lak thar pathumna a ni ta chiah a, an squad ti chak thei tur dang an la melh pah bawk a ni.

Defender Wolfe chuan, "Premier League hi a hmingthang a, khawvel league lian leh ropui ber tia sawi theih a ni. Inelna lian taka ka khel ve thei tur hi ka lawm a, Wolves hian sang tak kan thlen theih ngei pawh ka beisei," tiin a sawi.