A tawpah India an chak

India-in nimin khan Oval-ah England an hneh a, fifth Test-ah Men in Blue an chak avangin series-ah 2-2 in an inhnehtawk. Test cricket history-a series hmuhnawm ber zingah a tel pha ang.

Test match vawi thumna an khelh zawhah England-in 2-1 in hma an hruai tawh a, fourth Test-ah an inhnehtawk. Men in Blue hian Test match tawp berah hian Jasprit Bumrah an chhawr thei lo a, hliam vangin coach Gautam Gambhir vangin an buai. Chutihrualin England pawh hliam vangin an buai ve tho a, Oval-a inkhel hian ngaihven a hlawh hle.

Ṭhumvawrah India an vanduai a, tun inelnaah vawi khatmah an vannei lo. England-in vawm hmasak an thlang a, first innings-ah 224 runs chauh an siam. England-in beisei an pha bik lo a, 247 chauh an siam bakah Chris Woakes a inhliam avangin a bat thei lo.

Second innings-ah India opener Yashavi Jaiswal-a'n 118 century siam mah se KL Rahul (7) leh Sai Sudharsan (11) te an che ṭha lo. Mahse a ni hnihnaah hian nightwatchman-a lut Akash Deep-a'n a hna tlinin 66 runs a siam hial bawk.

Ravindra Jadeja (53), Dhruv Jurel (34) leh Washington Sundar (53) te rawn che ṭhain 396 runs an siam hial. England tan target 374 a ni a, ni hnih ngawt khelh tur a awm avangin chak an awm dawn tih a hriat theih. Mualneitu lam hi dinhmun chhe zawka ngaih ni mah se Joe Root (105) leh Harry Brook (111) ten century an siam vangin dinhmun ṭha zawkah an ding.

India an tlawm duh lo a, England tailender-te an che ṭha ta bik lo. Ni nganaah India chak turin an dinhmun a ṭha leh ta zawk a, a tawpah chuan inhliam chungin Chris Woakes a rawn lut. Gus Atkinson-a'n England tawp thlen tum mah se Mohammed Siraj-a'n a tawp a khar ta zawk. England-in chak tura run sarih chauh a mamawh tawh tihin Siraj-a'n Atkinson a vawm hlum a, India-in run rukin hnehna an chang.

Siraj hian 104 runs pein wicket nga a la a, Indian pacer hi tun series-ah Hamara Desh tan hero a ni.