CYMA Futsal 2025 A ruh no an chhuak zel

LBS Suzuki 1st Inter Branch YMA Futsal Tournament 2025-ah second round khelh chhoh mek a ni a, last 64 hi August 6, Nilainiah khelh zawh a ni ang. Inkhel en man hi Rs 50 a ni a, Central YMA YouTube channel hmangin a en theih bawk.

Vawiin inkhel tur a hmuhnawm hlawm dawn. Chawhnu dar 1:00-a Chawlhhmun leh Vaivakawn te inkhel tur hi en a châkawm a, Melriat leh Muthi inkhel tur pawh chak tur hriatthiam a har. Match riat khelh tur zingah chak tur zawk rin thiam a har viau.

Tlai dar 5:00-a BVT leh Kanan inkhel tur pawh hi a nung ṭha viau ang, Kanan hian ISL player Freddy Lallawmawma an kawl. Electric Veng pawh ṭha viau mah se Ramhlun North lakah chesual ve thei tho an ni a, a tawp khar tur Tanhril leh Reiek te hi an intluktawk viau bawk.