Mizo rider cheṭha

Mizoram Motorsports Association (MiMSA) rider pahnih Daniel Lalhriatkima leh K. Lalnunsanga te chuan - MRF FMSCI Indian National Motorcycle Racing Championship 2025-ah gold medal an la ve ve a ni.

Coimbatore, Tamil Nadu-a inelna neihah, Mizo rider pahnih hi 130cc-160cc category (Novice Class) ah an inlan. Inelna neih ni hmasa zawkah, qualify tlanin K. Lalnunsanga hi 10-na a ni a, a tlan chhuahna hnung deuh mah se pakhatna a ni ta tho.

August 3, Pathianni khan Race Two neih leh a ni a, hemi ṭum hian K. Lalnunsanga hi a khawl lam chiang lo vangin a hnufual a, pariatnaah a thleng.

Lalnunsanga chet fuh loh ni hian Daniel Lalhriatkima erawh a chefuh thung, pathumna aṭangin intlansiak bul a ṭan a, mi dang chunga lengin a tawp thlengin a chungnung ber a ni.

MiMSA chuan thuchhuah siamin an rider pahnih K. Lalnunsanga leh Daniel Lalhriatkima te an lawmpui thu an sawi a, an kal lehzelna tur atan duhsakna an hlan bakah anmahni lo buaipuitu Coimbatore Mizo Welfare chungah lawmthu an sawi bawk.