Chelsea defender thar Jorrel Hato

Premier League club lian Chelsea chuan Jorrel Hato an la lut fel leh ta. Blues hian Ajax defender lei nan hian pound maktaduai 37 an seng a, kum sarih chhung atan inremna an ziak.

Kum 19 Hato hma hian Chelsea chuan tun nipui chhungin player pasarih ngawt an la lut tawh a, season tharah team hmelhmang a danglam ngei dawn tih a chiang.

Netherlands international Hato chuan, "Ka hma hun tur hi ngun takin ka ngaihtuah ṭhin a, ka tana ṭha ber tur Chelsea ka zawm. Ka duh ber club ka zawm thei hi ka hlim, chona thar hmachhawn turin ka inpeih, hautak deuh mah se ka châk tawh hle," a ti.

Nipui bazarah Chelsea hian Hato, Jamie Gittens (£48mtd), Joao Pedro (£55mtd), Liam Delap (£30mtd), Mamadou Sarr (12mtd), Dario Essugo (£18mtd), Estevao Willian (£29mtd) leh Kendry Paez (£17mtd) te an lo lei fel tawh bawk a ni.