I Day Veteran Football Quarterfinal lut tur a chiang ta

I Day Veteran Football group stage chu nimin khan Chite Playground-ah khelh zawh a ni a, inelna hmachhawntu team 21 aṭangin team pariatin quarterfinal an lut.

2K Generation (group A), Ramhlun United Veteran (group B), Veteran United (group C), Ditea's FC (group D), Mizoram Ex-Service Veteran Football Team (group E), Leitan Veteran FC (group F) leh Electric Veng Veteran FC (group G) te chu group tina pakhatna an ni.

Group tina pakhatna bakah pahnihna zinga ti ṭha ber G90’s Mizoramin quarterfinal an lut. G90's hian Sorazo Veteran FC nen point li ve ve an hmuh bakah an goal difference pawh 1 ve ve niin a inang chiah. Goal for en a ṭul a, G90's hian goal thum khungin goal hnih khungtu Sorazo Veteran aiin an vannei a zawk.