Khawzawlah AIFF D Licence Course

6th August, 2025

Mizoram Football Association buatsaih AIFF 'D' Licence Coaching Course chu August 4, Thawhṭanni aṭang khan Khawzawlah ṭan a ni a; August 9, Inrinni thleng a awh ang. Course Instructor hi K. Lalrindika, AFC 'A' Licence (AIFF Coach Instructor) niin, Coordinator Tochhawng Ruata leh physio Zorinpuii ten an pui bawk.

Candidate hi mi 25 an inziak lut a, pakhat a inlan theih loh vangin mi 24-in course hi an chhim ang. Course chhimtu zingah national referee Lalthansangi (Bilkhawthlir Kualmawi) chu hmeichhe awmchhun a ni.

Tun ṭuma hian MPL khel lai B. Zoramthanga (Mizoram Police) leh MS Dawngliana (Dinthar FC) te an tel a, Aizawl FC player hlui Immanuel HS Lalṭhazuala (Bawngkawn) leh Zohmangaiha Ralte (ITI Veng) te an tel bawk.