Silai inkahsiak an ṭan

Mizoram state sports council kum 50-na - Golden Jubilee lawmna atana buatsaih, 16 Mizoram State Shooting Championship Competition 2025 chu nimin aṭang khan neih ṭan a ni a, inelna hi MRA Shooting Gallery, R. Dengthuama Multipurpose Hall, Mualpui Aizawlah leh 3rd Bn MAP Shooting Range, Mualpui Aizawlah neih a ni.

Mizoram Rifle Association buatsaih intihsiaknaah hian Air Rifle leh Air pistol meter 10 aṭanga inkahsiak, meter 50 aṭanga .22 rifle inkahsiak, meter 50 aṭanga .22 pistol inkahsiak leh meter 2 bakah .22 leh .32 pistol inkahsiakah te intihsiakna neih a ni ang.

Silai inkahsiaknaah hian kum 16 hnuai lam aṭanga kum 70 chunglamin category hrang hrangah inelna an nei dawn a ni.

16th Mizoram State Shooting Championship 2025-ah hian District hrang hrang leh Mizoram Police Shooting club leh Vairengte Shooting club aṭanga silai kapthiam kalkhawmte an inel dawn. Intihsiak hi August 8, zirtawpni thleng neih tur a ni a, tlai dar 3-ah MRA Shooting Gallery, R. Dengṭhuama Multipurpose Hall, Mualpuiah a hmawr bawk tur a ni ang.