Villarreal-ah Partey a kal dawn

Arsenal nen an inṭhen hnu lawkah Thomas Partey-a'n thubuai a nei zui a, club khelhna tur erawh a hmuh loh phah lo - Spanish club Villarreal nen an inrem a, contract pawh an ziak fel thuai dawn niin khawthlang chanchinbute chuan an tarlang.

Ghana midfielder Partey hian Arsenal tana a contract a hmang zo a, an inrem zui tawh lo. Emirates Stadium a chhuahsan hnu lawkah mipat hmeichhiatna lamah sawi zui a kai a, court-ah a inlan a ngai hial - an puhnaah hian thiam loh a neih loh thu a sawi thung a ni.

Kum 32 mi Partey leh La Liga club hian season hnih chhung atan inremna an nei phawt a, tun hmain Atletico Madrid tan a khelh tawh avangin a tan Spanish football chu thil thar a ni lo ang.