VAR thutlukna an puang zel dawn

Italian football inelna sang ber Serie A chuan season thar aṭangin tihdan thar pakhat an nei dawn. Video assistant referee (VAR) thutlukna chungchang sawifiahna tawi chu inkhelh laiin mipui hriat tura puan nghal zel a ni tawh dawn.

Serie A referee hotupa Gianluca Rocchi chuan, "Ruahmanna fel tak kan nei tawh, a rang thei ang bera rawn puang lang nghal zel thei tur official pawh kan nei fel tawh," tiin a sawi.

VAR thutlukna puan chungchang hi season hmasa khan Coppa Italia semifinal leh final-ah an lo hmang tawh a, hmanni lawka neih zawk tak FIFA Club World Cup-ah pawh khan hlawhtling takin an lo hmang tawh bawk.

Serie A season thar hi August 23 aṭangin an khel ṭan dawn - champion lai chu Antonio Conte enkawl Napoli an ni.