Raducanu-i'n coach thar a nei

Emma Raducanu chuan hmasawn tumin hma a la, kumin chhung atan coach thar a nei, a hming chu Francisco Roig a ni. Francisco Roig hian tun hma pawhin Rafael Nadal a lo enkawl tawh ṭhin a ni.

Kum 2005 aṭanga 2022 chhung khan Nadal-a coaching team zingah Roig hi a lo tel tawh, tawnhriat a nei ṭha pangngai hle tihna a ni. Cincinnati Open an khelh hunah Raducanu hi a kaihruai ṭan ang.

Janaury 2025 khan Raducanu hi a coach Nick Cavaday nen an inṭhen a, hun rei tak chhung coach pangngai a neih loh hnuah world number 33 Raducanu hian coach a nei leh ta, hard court inelna lian atan inbuatsaihna a nei chho nghal zel bawk.