Junior National Swimming-ah Mizo pariat

Mizoram swimmer-ten national level thlengin inelna an hmachhawn ve ta zel a, 51st Junior National Swimming Championship 2025-ah Mizo tuihleuh thiam pariat an tel.

Naranpura Sports Complex, Ahmedabad, Gujarat-ah inelna hi neih a ni a, Mizoram aiawha tel swimmer pariatte hi mipa pali leh hmeichhia pali an ni - medal hlawhchhuah erawh Mizoram tan a la sang hret.

Tun hnaiah Mizoram swimmer-ten hmasawn tumin theihtawp an chhuah a, medal hlawh chhuak turin a kawng la thui deuh mah se, national level inelna hmachhawn thei an awm belh zel ringawt pawh Mizoram infiamna tan chuan hmasawnna a ni.

Mizo hmeichhe team-te chuan he inelnaah hian freestyle relay leh medley relay-ah inelna an hmachhawn bawk a, national junior-a Mizoramin he category huanga intihsiak an hmachhawn hmasak ber a ni - bung thar an kai ve zel.