Venus Williams chak lo nghal

US Open inbuatsaihna zinga mi Cincinnati Open an khel ṭan a, senior player Venus Williams chu a match hmasa berah a chak lo nghal - nimin zing khan Jessica Bouzas Maneiro lakah 6-4, 6-4 in a chak lo.

A vanglaia Grand Slam nomawi pasarih la tawh Venus Williams hi kum khat chuang a inkhelh loh hnuah tun hnai aṭangin a inkhel leh a, result ṭha erawh a nei rei thei tawh bik lo, tunah chuan US Open khelh leh a tum ang - inelna hmachawn thei turin wildcard pek a ni.

Williams hi kum 45 mi a ni tawh a, tennis khawvelah chuan a hun hnuhnung a ni tawh, a khingpui Bouzas Maneiro erawh kum 22 mi chauh a la nih avangin an thahrui a inthlau deuh hlek tawh a ni.