Partey ring ngamtu Villarreal

Villarreal chuan Thomas Partey an la lut fel - Ghana international Partey hian thubuai nei mek mah se Spanish club chuan a lakah rinna an nghat ngam a, an hnena khel turin an la lut a ni.

Kum 32 mi Partey hian 2020 khan Atletico Madrid aṭangin Arsenal chu pound maktaduai 45-in a zawm, nipui bazarah a contract a hmang zo - pawtsei loin man nei loin a chhuak ta, hmeichhe chunga hleilenna chungchangah buaina a nei mek.

Partey hi pawngsual thubuai pahnih leh hmeichhe chhaih nawmnah thubuai pathumah thubuai a nei. Mahse, Partey hian an puhna hoah chuan a fihlim a, thiam lohna a nei lo tih a sawi a, a thiam thu sawi hi Villarreal chuan an ring ngam.

Thuchhuah siamin Villarreal chuan, "England ramah buaina a nei tih kan hria, dan leh hrai zam a awm avangin thu tak kan sawi thei lem lo. Mahse, an puhna hoah hian a fihlim a, thiam lohna a nei lo tih amah ngeiin a sawi hi kan ring," an ti.

Nimin khan Partey hian Villarreal hi a zawm fel a, ruahman dan chuan La Liga season tir aṭangin a khel hman ang.