LBS Suzuki CYMA Futsal-ah inkhel a nung ṭha

LBS Suzuki 1st Inter Branch YMA Futsal Tournament 2025 chu R. Dengṭhuama Stadium, Mualpuiah khelh a ni a, vawiin hian last 16 khelh zawh a ni dawn. Team 114 aṭangin team 12 chiah an dam tawh avangin team pawh an intluk tlang tawh a, inkhel pawh a nung ṭha ṭhin hle.

Vawiin tlai dar 3:00 hian Sihphir Derby hmuh a ni dawn a, Sihphir Venghlun leh Sihphir inkhel tur hi a nung ṭha dawn. Tuikual Derby thlirtute chuan Sihphir Derby-ah pawh beisei an nei sang ang.

Tlai dar 4:15-ah Durtlang Leitan leh Tuikual North te an inkhel dawn a, inkhel tawk viau tura an ngaih an ni. Chutihrualin zan dar 5:30-a Nisapui leh Ramhlun Vengthar inkhel turah erawh Ramhlun Vengthar buk a rit deuh.

Zanin dar 7:00-ah a hmuhnawm ber tur a awm a, Dinthar leh Chanmari te an inkhel dawn. Football thiam veng pahnih hi futsal pawh an thiam ve ve a, sulhnu pawh an nei ṭha. Tun ṭumah erawh MPL club an neih ve ve avangin ṭum dang an pha lo deuh dawn a, chutichung chuan inkhel erawh a hmuhnawm khawp ang.

Inrinni zan last 16-ah team ṭha Bawngkawn, Muthi, Zonuam leh Electric Veng te an chak a, result barakhaih a awm lo a tih theih.