Harsa lo takin Sinner a chak

Wimbledon champion Jannik Sinner chuan chawlh a hman hnuah tournament a khel ve leh ta a, harsa lutuk loin Daniel Elahi Galan chu 6-1, 6-1 a hnehin, Cincinnati Open khelh laiah round of 32 a inhlangkai.

Mipa tennis world number 1 Sinner hian harsatna lian tham a tawk lo, minute 59 chhung lekin hnehna a chang a, grass court inelna liana a champion hnua inelna a hmachhawn leh hmasak berah bul a ṭan fuh hle.

Italian tlangval Sinner chuan, "Ball a kal chakin a sawt sang em em a, inkhelh a awlsam lo hle. Hetiang hmunah hi chuan service ṭha a pawimawh bik ṭhin, chumi chu ka tihlawhtling thei hlauh thung," tiin a sawi.

ATP Masters 1000 khelh laiah, seeded pakhatna Sinner hian a match lehpekah chuan Canadian tlangval Gabriel Diallo a hmachhawn leh ang.