Silver medal hlawh chhuak

10th MBC (Munhwa Broadcasting Corporation) International Open Taekwondo Championship khelh zawh takah, VL Sawma leh Joseph Thansanga ten silver medal an la.

Greryong, South Korea-a inelna neihah Joseph Thansanga hi International (IR) referee poomsae category-ah inlanin, ram 32 aṭangin IR mi 52 an tel a. 1st Round cut off a paltlang hnuah semifinal-ah Chinese Taipei mi a hneh a. Final-ah India mi vek nen intumin silver a la ta a ni.

India Team Manager leh Master 1 - Under 60 KG poomsae category a khel, VL Sawma hian semifinal a paltlang hnuah a thlengtu Korea lakah chak zo lovin silver a hlawh chhuak.

Championship-ah hian ram hrang hrang 32 aṭangin infiammi 2170 an tel a, India aiawhte hian gold medal pakhat, silver medal leh bronze medal pathum ve ve an la a ni.