Weightlifting inelna ṭan dawn

Mizoram Weightlifting Association buatsaihin vawiin aṭang hian Ramhlun Sports Complex-ah, youth, junior, senior tan Mizoram State Level Weightlifting Championship neih a ni dawn.

Inbukna (weigh-in) hmun atan MSSC Weightlifting Hall, Ramhlun Sports Complex a ni ang. Inelna hmachhawn tur hian mipa 38 leh hmeichhia 26, an vaiin infiammi 64 an tel dawn a ni.

Tun ṭumah hian weight category ṭhen chungchangah IWLF Rules anga kal a ni dawn. IWLF-in category a neih bakah hian naupang te zual tan special category siam belh a ni dawn a, mipa tan 45kg category leh hmeichhe tan 35kg Category siam belh a ni ang.