Zan inkhelin mipui a hip dawn em?

I Day Football semifinal-ah zanin dar 6:00 hian Saikhamakawn FC leh Kanan FC te an inkhel dawn a, zan inkhelin eng ang chiahin nge mipui a hip tih hriat a ni dawn. Saikhamakawn hi MPL club thar an ni a, coach Lalsangzuala Hmar an neih avangin nomawi chawi nghal an inbeisei a, ṭawiawmtu an nei ṭha dawn. Kanan FC pawh MPL club thar tho an ni a, champion tumin sum an seng hnem a, veng mipuiin an ṭawiawm ṭhat a ṭul.