AIFF D Licence Course an zo

Mizoram Football Association chuan August 4-9, 2025 chhung khan Khawzawlah AIFF 'D' Licence Coaching Course an buatsaih a, tluang takin course chhimtu mi 24 ten an zo.

Course instructor hi K. Lalrindika a ni a, coordinator hi Tochhawng Ruata niin physio hi Zorinpuii te an ni a, course instructor Dika hian AIFF Coach Instructor a nih bakah AFC 'A' Licence a nei bawk.

Course instructor Dika chuan, "Tuna D License Course thar hi Position Specific a ni a, D Licence nei tharte an vannei. Tin, coaching course hi footballer ṭha bakah lehkhathiam, zirsang tak takten an rawn ti chho ta hi Mizoram football tan hmasawnna a nih ka ring," tiin Vanglaini a hrilh.