Thla hnih chawl tur Niklas Sule

Borussia Dortmund defender Niklas Sule chu a chawn tihrawl hliam vangin thla hnih chhung vel a chawlh a ngai dawn, season thar inbuatsaih nana Juventus nen an inkhelh ṭumin a hliam a ni.

Kum 29 mi Sule hian minute 18-naah Mats Hummels a thlak a, mahse chawlhlawk an hman thleng bak a inkhel zui thei ta bik lo. Tun kar tawpa Essen nen German Cup first round an khelh hunah pawh a inlan ve thei rih lo ang.

Dortmund hian Bundesliga season thar an match hmasa ber atan chuan August 23-ah St. Pauli an hmachhawn ang; Pauli hi Bundesliga 2 aṭanga German football inelna sang ber khel tura tling thar an ni a, Champions League khel tur Dortmund tan khingpui harsa tak an nih a rinawm loh.