Ten Hag-a'n Lindelof a duh

Bayer Leverkusen coach thar Erik ten Hag chuan Manchester United-a a enkawl ṭhin, centre-back Victor Lindelof chu German club-ah lakluh a duh niin an sawi a, Dutch coach hian a mimal tak pawhin Swedish defender hi a dawr dawn niin an sawi.

Leverkusen sporting director Simon Rolfes leh director of football Kim Falkenberg te chuan Lindelof hi inbiakna an neihpui mek nia sawi a ni. Kum 31 mi defender hi club nei loin a awm mek a, United-a a contract a hman zawh hnuah chhuah zalen a ni.

Ten Hag-a enkawlna hnuaiah United tan match 67 khel hmanin, FA Cup leh League Cup-ah champion nomawi a chawipui. Leverkusen hian Bayern Munich lama Jonathan Tah a chhuah hnuah, centre back pali an la lut tawh a, mahse, an zinga upa ber Jarell Quansah chu kum 22 mi chauh a ni - tawnhriat nei ṭha lakluh duhin Lindelof an hel mek.