Premier League-in Jota a hre reng

August 15, Zirtawpni zanah Premier League khelh ṭan a ni dawn a, zan dar 12:30-ah Liverpool-in Bournemouth an mikhual ang - English top flight league ṭan kara inkhel zawng zawngah Diogo Jota leh a unaupa Andre Silva hriatrengna hun hman a ni ang.

Liverpool forward Jota hi thla hmasa khan car accident vangin a unaupa Andre Silva nen an thi a, Portuguese forward hi Liverpool squad zawm tura UK lam pana a kalna lamah a chesual.

Premier League chuan Jota leh a unaupa Andre te an la hre reng a ni tih lantir nan, anmahni hriatrengna lantir turin ruahmanna a siam ta a ni.

Kartawp EPL inkhel zawng zawngah player-te chu puan duma an kut hreng tura tih an ni a, stadium zawng zawnga big screen-ah player pahnih uina thu leh an thlalakte tarlan a ni ang a, ngawi renga hun hman a ni bawk ang.

FA Community Shield khelh zawh takah khan unau pahnihte hriatrengna hun hi hman a lo ni tawh a, chak zo ta lo Reds chuan Bournemouth nen an inkhelh hunah Jota-te unau hriatrengna hun hi hman an tum bawk.

Jota club hlui Wolverhampton Wanderers pawhin Jota-te unau hriatrengna hun an hmang dawn a, season ṭan nan an league match hmasa ber Manchester City nen an khelh hunah he hun hi an hmang dawn a ni.