Spurs Captain thar Romero

Tottenham Hotspur chuan Captain atan Cristian Romero an ruat a, Argentine defender hian Major League Soccer club Los Angeles FC zawma chhuak ta Son Heung-min-a hmun ruak a luah dawn a ni.

Spurs coach thar Thomas Frank chuan, "Cuti Romero nen inbiakna ṭha tak kan nei a, kan Captain thar a ni dawn. Club Captain-a ruat a nih avangin a hlim a, a lawm takzet," a ti.

Romero hian 2021-22 season khan Spurs hi loan-in a zawm phawt a, 2022-23 season-ah a nghetin a zawm. London club tan match 124 khelin goal sarih a khung a, Europa League nomawi a chawipui.

Argentina tana World Cup leh Copa America nomawi pahnih chawi tawhtu Romero hi coach chhuak ta coach Ange Postecoglou hnuaiah khan James Maddison nen Vice Captain an ni sa a, tunah chuan Captain a ni ta - nizan khan Spurs hian Paris Saint-Germain nen UEFA Super Cup an khel a, result kan hre hman lo.