Como-ah Morata a kal

Alvaro Morata chuan Como chu loan hmangin a zawm - a loan hman hun a zawh huan Serie A club hian a nghetin an lei zui nghal thei dawn a, club pahnih chuan inremna an neih thu hi an puang tawh a ni.

Kum 32 mi Morata hian AC Milan aṭangin Galatasaray cho loan hmang thoin a lo zawm tawh a, Turkish club tana hun a hman zawh hnuah Italian football huangah pawh a kir leh ta a ni.

Spain captain Morata chuan, "Nikum khan Como hi ka lo hmachhawn tawh, team inlungrual leh nghet ṭha tak an nih bakah thil tum fel tak an nei bawk. Min ringtawktu an ni a, kei pawhin ka theihna zawng zawng ka hlan ang," tiin a sawi.

Morata hian tawnhriat a nei ṭha tawh hle - tun hmain Real Madrid, Juventus, Atletico Madrid leh Chelsea tan a khel a, hlawhtlinna hrang hrang pawh a lo chang tawh, an ram Spain chu Euro 2024 champion a nih pui bawk.

Como hian Cesc Fabregas enkawlna hnuaiah hma an sawn, kum 21 hnuan a vawi khat nan Serie A an khel leh a, season hmasa khan Italian football inelna sang berah hian 10-na dinhmun an luah phak hial a ni.