Tlai dar 5-ah PUC Vs HBC

I Day hmeichhe football chu college inelna anga kalpui a ni a, final-ah Pachhunga University College leh Hrangbana College kher an inhmachhawn avangin entu ṭhahnem thei dinhmunah an ding. Zirna hmun ṭha pahnih RG Stadium-ah vawiin tlai dar 5:00 hian an inkhel dawn a, tlawm an duh dawn lo.

PUC leh HBC hian tun hmain mipa football-ah boruak lian tak tak an lo nei tawh ṭhin a, tun ṭumah erawh MZU Sports anga boruak lian kha chu a awm dawn lo a, mah se a nep bik lo ang. Group stage-ah team pahnih hi goal awm loin an inhnehtawk dawn tih a chiang.

PUC hian Govt Aizawl West College (4-0) leh Govt Aizawl College (2-1) te an hneh ve ve a, final an khelh theih nan K. Ngopawdi leh Sandra ten goal hnih ve ve an khung tawh. HBC lam GAC (2-0) leh GWAC (12-0) te hi an sawp zawk a; Lalfakzuali'n goal ruk khung tawhin Baby Lalchhandami'n goal thum a khung tawh bawk.

Group stage-ah HBC hi goal difference hmanga hmahruaitu an ni a, mah se final-ah a ṭangkaina a awm tawh lo. Final-a goal khung tam zawk an champion dawn.