India player ho hna a hautak dawn

Badminton World Championship an khelh dan tur pawh a ni a, a lan dan chuan Indian player ho kalkawng a hautak dawn hle - nomawi chawi tur chuan fiahna an paltlang chhoh a ngai dawn a ni.

August 25-31 chhungin Paris khawpuiah inelna hi neih a ni dawn. Lakshya Sen chuan a match hmasa berah Shi Yu Qi a tum dawn, 2021 world championships bronze medallist Sen-a khingpui tur hi seeded pakhatna a nih bakah Asian Games champion lai a ni bawk.

World number 34 HS Prannoy pawhin Joakim Oldorff a tum dawn, hnehna a chang a nih chuan a match dawt lehah chuan seeded pahnihna Anders Antonsen a hmachhawn leh thei nghal dawn a ni.

PV Sindhu bul ṭanntu tur erawh Kaloyana Nalbantova a ni thung a, world number 66 lakah chuan chak zawk tura rin kai a ni. A chak tluang a nih chuan last 16-ah Asian champion vawi hnih ni tawh Wang Zhi Yi nen an intawng thei dawn a ni.

Sindhu hian tun hmain World Championship-ah hian gold medal bakah silver leh bronze medal pahnih ve ve a la tawh a, tun hnaiah khel ṭha tawk lo mah se tawnhriat erawh a nei ṭha tawk hle thung.