Quarterfinal-ah Gauff a lut

Coco Gauff chuan Cincinnati Open khelh laiah quarterfinal a lut, a thiam pariat zinga tel tur hian Lucia Bronzetti chu 6-2, 6-4 in a hneh - a match lehpekah chuan Jasmine Paolini a hmachhawn dawn a ni.

American player Gauff hian kum 2023 khan Cincinnati title a la, a hnuah US Open champion a ni zui bawk. Kuminah hian tun hma lama a sulhnu ṭha tak ang kha neih leh tumin hma a la mek, kawng dik pawh a zawh.

Chutihrualin, Gauff tan thil a awlsam vek dawn bik lo - season kal laiah Masters 1000 huangah final vawi hnih a khel tawh a, a chak lo zawkah a ṭang ve ve, atan hna a hautak dawn hle.

Kum 21 mi Gauff chuan, "Ka tan chuan hmun duhawm bik a ni a, kum 2023 khan sulhnu ṭha ka lo hnutchhiah tawh. Ka khingpui khan min nawr na viau mah se inkhel ka thunun thei, ka khel ṭha tih lantirtu a ni," a ti.