Nico hoin Bilbao an chak

Barcelona nen rei tak sawi zawm an nih hnua Athletic Bilbao-a cham thlang, Barca fans tam takin an ngei rawn Nico Williams chuan tun season-a an match hmasa berah goal a khung nghal a, penalty a ni thung.

Bilbao hian anmahni ang thoa Spanish team tawh khirh zinga mi Sevilla an mikhual a, minute 36-naah Nico hian penalty a chhuih lut. First half tawp hmain Maroan Sannadi chuan a belhchhah ve leh bawk a, awlsam takin an chak dawn niin a lang hman.

Mahse, second half-ah Bilbao hian Dodi Lukebakio leh Lucien Agoumé hmangin si phurh an sut zo a, 2-2 a ni der! Mahse, Bilbao tan minute 81-naah Robert Navarro a inlar ve leh a, goal a khung belh - Sevilla tan si phurh sutna hun a awm tawh lo a, Nico Williams hoin Bilbao an chak.