Rybakina hnehtu Swiatek

Cincinnati Open hmawr bawk a ni dawn a, semifinal inkhel hmuhnawmah Iga Swiatek chuan Elena Rybakina chu 7-5, 6-3 in a hneh, nizan khan Swiatek hian final-ah Jasmine Paolini a hmachhawn leh nghal a ni.

Pathianni zan P&G Center Court-a inkhelah, seeded pathumna Swiatek hian a khingpui service hi vawi thum a chhuhsak a, ama service vawi khat hloh ve mah se set hloh loin a chak tlang ta tho.

Semifinal inkhel dangah Jasmine Paolini chuan Veronika Kudermetova chu 6-3, 6-7 (2/7), 6-3 in a hneh ve bawk a, inelna kal laia khel ṭha pahnih an nih avangin champion tur zawk hriatthiam a harsa.

US Open inbuatsaihna langsar zingah Cincinnati Open hi a hnuhnung a ni tawh a, hard court inelna lian hi August 24 aṭanga September 7 chhungin New York khawpuiah an khel ang.