AIFF Futsal Club C'ship-ah Goal Hunterz an champion

AIFF Futsal Club Championship 2024–25 final chu Thawhṭanni zan khan Manoj Sarkar Sports Stadium, Rudrapur-ah khelh a ni a, Goal Hunterz chuan champion rinkai Bhawanipore FC 4-2 a hnehin an champion.

Final-ah hian Mahip Adhikari-a'n hattrick a siam a, minute hnihna leka goal hmahruai a khung bakah minute 36-na leh 40-naah champion-na goal a khung. Adhikari bakah Goal Hunterz tan Mukul Singh Shoun ten goal khungin first half-ah 2-0 in a hma an hruai hrim hrim.

Bhawanipore-in second half-ah David Laltlansanga leh Subho Khatua te hmangin an khung a, 2-2 ni mah se India coach Joshuah Vaz enkawl hi an tho chhuak zo ta lo. New Delhi club Goal Hunterz chu champion thar an ni.