Bournemouth-ah Doak a kal

Liverpool winger Ben Doak chuan Bournemouth a zawm - Premier League champion aṭanga Doak lei chhuak tur hian pound maktaduai 20 an seng a, amah zat hi pound maktaduai 5 danga san belh leh thei tur a ni bawk.

Kum 19 mi Doak hian Bournemouth tan kum nga daih contract a ziak a, tun nipui bazar laia player an laluh pangana a ni ta chiah bawk a, kar tawpa league match an khelh hunah chhawr hman an inbeisei ang.

Doak chuan, "Inkhelh tam ka duh a, a tam thei ang ber khelmual chhung luh ka duh. Chutiang tur atan chuan Bournemouth hi ka tan hmun ṭha leh dik niah ka ngai a, ka pan hun pawh hi a dik tawk hle chuan ka hria.

"An inkhel ka en ṭhin a, football mawina pholang chungin an hmuhnawm ṭhin hle," tiin a sawi a, inkhelh tam a duh rual hian inlan tam tur erawh chuan theihtawp a chhuah a ngai dawn ve tho.

Season hmasa khan intuaihriam turin Championship club Middlesbrough chu loan hmangin a zawm a, match 24 a khelh aṭangin goal thum a khung bakah a ṭhiante khung tur vawi sarih a siamsak bawk.