Lukaku a hliam na

Serie A season thar inbutsaihna an neih laiin Romelu Lukaku a inhliam a, hun rei tak chhung a chawlh a ngaih dawn avangin Napoli leh coach Antonio Conte tan chuan ngaihtuahna thar sen a ngai dawn niin a lang.

Olympiacos nen an inkhelh ṭumin Lukaku hi a malpui a hliam, a lan dan chuan season thar lo awm tur hi a chanve vel chu a khel thei lo nghal dawn a, chumi hnuah chuan a inkhel zui nghal thei ang em tih pawh a chiang lo.

Italian chanchinbu ṭhenkhat tarlan dan chuan Napoli hian Serie A leh Champions League an thehluh hunah Lukaku hi an la telh dawn rih lo, season chawhnu lamah a dam a nih erawh chuan ziah luh leh theih a ni ang.

Conte-a'n striker chhawr tur Lorenzo Lucca chauh a nei ta tihna a ni. Italian champion hian nipui bazarah striker an zawn nghal a rinawm a, Joshua Zirkzee chu an hming lam rik hmasak a ni.

Manchester United forward Joshua Zirkzee bakah hian Jean-Philippe Mateta, Nikola Krstovic, Artem Dovbyk leh Andrea Pinamonti te pawh an ngaihven nia sawi a ni, lak tuma an dawr tak erawh hriat a la ni lo.

Napoli hian August 23, Inrinni zanag Serie A season thar an match hmasa ber an khel tawh dawn, khualmualah Sassuolo an lenchilh dawn a ni.