Milan-in Hojlund an ngaihven

Manchester United stirker Rasmus Hojlund chu AC Milan chuan an ngaihven mek - Italian club sporting director Igli Tare chuan Hojlund an thlithlai tih hi a sawi lang tawh a, indawrna pawh a kel mek niin a lang.

Denmark international striker Hojlund hian beiseina sang tak nen Man United a zawm a, mahse beisei a phak lo. Manager Ruben Amorim-a'n tun season lo awm turah phei chuan chhawr a tum lo.

Premier League an match hmasa berah Hojlund hi inkhel tura thlan zingah a tel lo, striker thar Benjamin Sesko erawh a hma lama match khel miah lo chungin bench aṭanga luh tir a ni thung.

AC Milan sporting director Igli Tare chuan, "Hojlund hi kan tan chuan player ṭha tak a ni ngei ang a, lak theih pawh a châkawm hle. Chutihrualin, football bazar hi chu sawi lawk a harsa, eng nge lo thleng dawn kan la hre thei rih lo," tiin a sawi.

Pound maktaduai 72 laia Manchester United zawmtu Hojlund hi km 22 mi chauh a la ni a, hmabak a la nei thui hle. English club tan hian match 52 a khelh aṭangin goal 10 a khungsak a, an beisei anga tam a khung lo.