Lawngtlaiah MPL khelh a ni dawn

Mizoram Premier League hi Aizawlah khelh ṭhin a ni a, season khatah round 14 awmin round khat erawh Aizawl pawn lamah khelh a ni tawh ṭhin. Lunglei, Champhai, Khawzawl, Serchhip leh Kolasib-ah te MPL khelh a ni tawh a, Kick Off zanah MFA finance secretary LV Lalthantluanga chuan MPL12 round 10 chu Lawngtlaia khelh a nih tur thu a puang.

Lawngtlaia MPL khelhna tur hi CYLA Playground a ni a, a khelh hun tur tak leh inkhel turte erawh tihchian a la ni lo. CYLA Playground-a phullem phah hi kum 2018 khan hawn a ni a, DIPR thuchhuahin a tarlan danin phullem phah nan hian Ministry of Youth Affairs & Sports - Khelo India Scheme hnuai aṭangin Rs nuai 450 hmuh a ni. A ground zauh zawng hi a dung metre 105 leh a vang metre 69-a zau a ni.