Player ṭhangduang Morgan Rogers

Aston Villa midfielder Morgan Rogers chu PFA young player of the year atan thlan a ni a, Villa player zinga he award dawng thei pangana a ni - a hma hian Andy Gray, Gary Shaw, Ashley Young leh James Milner te chuan Villa player ni chungin an lo dawng tawh.

Kum 23 mi Rogers hian season hman zawh takah khan Villa tan inelna hrang hrangah match 54 khelin goal 14 a khung a, assist vawi 16 a nei bawk.

Rogers chuan, "Engtikah emaw chuan, player ṭha tak, miten an chanchin an sawi ṭhinte zinga lam tel ve nih ka duh - chutiang ni tur chuan an tih ang tih ve a, an hnung ka zui a ngai a ni," a ti.

Young player of the year-ah hian Steven Gerrard, David Beckham, Wayne Rooney leh Gareth Bale te pawh thlan an lo ni tawh a, anni anga sawi zui hlawh tur chuan Rogers hian hmabak a la ngah hle.

Rogers chuan, "Hetiang award ka dawng thei hi ka lawm hle a, mahse, hei hi a bul ṭanna chauh a ni," a ti - English player-in he award a zawna an dawn vawi sarihna a ni.

November-a England tana a vawi khat nana koh, ram tana match ruk inlan tawh Rogers hian February 2024 khan Middlesbrough aṭangin Villa hi pound maktaduai 15-in a zawm a, Unai Emery hnuaiah player pawimawh a ni.

Season hman zawh takah khan Villa hi EPL-ah parukna niin, Champions League quarterfinal hial an thlen bakah, FA Cup semifinal an khel bawk - season ṭha tak an hman theih nan Rogers hi player thawhhlawk a ni.

West Brom academy chhuak Rogers hian award dawng tur hian Arsenal player pahnih Myles Lewis-Skelly & Ethan Nwaneri, Bournemouth tana seaosn hmasa lama khel Dean Huijsen & Milos Kerkez, Ipswich Town aṭanga Chelsea pantu Liam Delap te chu a khum a ni.