Hmeichhe inkhelh thiam Caldentey

Arsenal midfielder Mariona Caldentey chu Professional Footballers' Association women's player of the year atan thlan a ni a, season thara Arsenal-a a khelhpui tur Olivia Smith chu young player award hlan a ni thung.

Kum 29 mi Caldentey hian season hmasa khan Barcelona aṭangin Gunners hi a zawm a, inelna hrang hrangah match 41 khelin goal 19 a khung. Women's Super League (WSL) bikah goal kua khungin, assist vawi nga a nei a, Arsenal tan Champions League nomawi a chawi.

Player naupang ṭha bera thlan Olivia Smith hi kum 21 mi niin, season hmasa kha Liverpool tan a khel. Match 25-ah goal kua khungin, tun nipui khan Arsenal hi pound maktaduai khatin a zawm - hmeichhe player man to ber a ni.

USA manager Emma Hayeschu PFA merit award hlan a ni a, Chelsea a enkawl lai khan league nomawi vawi sarih ngawt a lakpui hman.