Wolves-ah player tlan chak a lut

Premier League club Wolves chuan defender Jackson Tchatchoua chu Hellas Verona aṭangin an lalut a, pound maktaduai 10.8 man niin, season nga daih inremna an ziak a ni.

Cameroon interna-tional hi right-back emaw wing-back atan emaw a hman theih a ni a, season hmasa khann chawlrualin 34.88 kmph a chakin a tlan ṭhin - Serie A player zinga tlan chak ber a ni hial.

EPL season hmasa khan player tan chak ber chu Micky van de Ven a ni a, a tlan chak dan hi chawhrualin 37.1 kmph a ni phak, a tlan chak ber ṭum chuan 37.38kmph in a tlan hial a ni.

Tchatchoua hian a pianna Belgium club Charleroi-ah bul a ṭan a, chumi hnuah loan hmangin Hellas Verona hi a zawm, chumi hnuah Italian club nen hian a nghetin an inrem a, season hmasa khan league match 37 khelin a ṭangkai thei hle.

Football nipui bazarah Wolves hian player panga an lalut tling ta chiah - Tchatchoua hma hian forward Jorgen Strand Larsen (£23m), forward Fer Lopez (£19m), winger Jhon Arias (£15m) leh defender David Moller Wolfe (£10m) te an lalut tawh bawk a ni.